今日係12月31日，係2007年既最後一日！

話明係最後一日，即係呢一年要過完啦！！哇...真係過得快啊呢一年!!真係老土D都講翻句“光陰似劍，日月如梳”囉！！

呢一年，我覺得我既人生應該都算係行緊平路吧，無咩高低起伏！工，都仲係嗰份，無換到！哈哈...呢份工已經成爲我暫時最長既一份啦！！屋企，都尚算人人平平安安甘啦！！收穫，哈哈，最多既米就係破紀錄甘睇咗4場演唱會囉同埋買咗應該係歷來最多既CD囉！！(哈哈...甘樣既結果米就係俾人話我既人生淨係得演唱會同CD囉！！)講到讀書，哈哈，就係我終于踏出咗第一步去學韓文！！雖然學到宜家好似都未講到幾句完整既話，但係至少都算揩到下個門檻啦！！宜家見到D韓文都讀到下嘎！！哈哈！！旅遊了喔，今年無去過咩長綫旅行啊！！（搬咗去1月嚕，期待緊！！哈哈~~）最多米就係香港澳門兩度行下甘！！而最愛既美食，哈哈，只從加入咗美食團，都真係有D野喔！！哈哈；）

雖然呢一年都算過得幾平穩啦，但係好老實，諗既野多咗好多，精神壓力都好似比以前大咗好多！好似有好多胡思亂想甘！！我諗可能呢個就係我中學嗰陣寫嗰篇文章話“不想長大”既原因挂！！但係現實係我無能力令自己“不用長大”，甘所以米只能係面對現實囉！！

呢一年，開心既野有好多，甘相對地，唔開心既野都有唔少！！但係做人最緊要開心啊嘛，所以我會try my best，將開心既帶去2008，將唔開心既留喺2007！！

GOOD-BYE 2007!! HELLO 2008!!

哈哈~~~唔理係信教定係唔信教，大家都聖誕快樂啊~~~~！！

哈哈，琴晚應該係我第一次真真正正過既平安夜（我記得我應該從來平安夜都無活動嘎！）！！！雖然係教堂門口排咗個幾鐘頭隊最尾都係入唔到去，都真有少少失望嘎。但係，呵呵，我收到我最中意既藍色圍巾做聖誕禮物啊，仲要係溫暖牌嘎，真係開心死我啦...^0^當然啦，仲有陪我玩咗成晚既甘多位...呢個平安夜真係好開心啊！！:D希望大家都甘開心啊~~~~

呢兩個星期突然覺得timing呢樣野真係幾玩野，錯過咗距既感覺好似比唔見錢仲慘甘......錢有時真係買唔翻時間嘎！！嗯...做決定真係要乾脆利落D！！今次錯過既都係好少野遮，最多都只不過會有一陣間覺得down down地！！不過真係難保下次再甘拖拖拉拉會唔見咗D咩！！！好啦...要精神D，再努力下，睇下仲有無得救先！！呵呵~~~

又一場演唱會殺到廣州啦~~！！米就係陶吉吉囉~~呵呵！！真係好多謝娉琪G陪我企左成晚啊...我都無諗過會企喺外面聽到完場嘎...哈哈~~如果無聽到完場，又點會聽到我最鈡意既Melody呢~~~哈哈...可以現場聽到自己只最愛真係太開心啦！！下次我要喺場入面聼！！Yeah........!!!!!!