無乜機會收聖誕禮物，今年就自己送俾自己啦...哈哈

繼上次睇奧運馬術之後，琴日平安夜我又一個人去咗HK了...哈哈，今次係去睇力宏，距同香港交響樂團合作搞音樂會，距仲上臺做指揮添啊，哈哈~~甘難得嘅機會，點可以錯過呢！！

其實本來都真係錯過咗嘎啦~~我係距公開售票幾個星期后先知咋~~out到死啊~不過又諗一個人去睇，要穩地方住好貴，諗住睇唔度就算了~~點知后尾距加咗琴日我睇嗰場喔，下午表演嘎，即係唔使搵地方住啊，吸引死人啦，但係我都係錯過距開售嘅時間~~真無用！！就喺我諗住睇唔度嘅時候，哈哈，居然係淘寳見到有人放票出嚟喔，仲係原價添啊（雖然要用人民幣，不過都抵啊！！力宏啲飛開售兩個鈡就無曬嘎啦~）...上天既然都甘錫我，我就梗係唔可以放過啦（雖然超曬預算...）~~

就係甘樣，琴日下午，我第一次甘近距離見到力宏表演，仲要係我一直想睇嘅形式--小型音樂會~~哈哈，太中意呢份禮物啦！！

講翻琴日個音樂會（哈哈...第一次去呢啲場合，真幾有鄉里出城嘅感覺..哈哈..其實前排岩岩睇完《交響情人夢》，已經非常想喺現場睇交響樂團表演嘎啦，今次真係如願以償啊！！哈哈..）..會場唔係大，橢圓形嘅，舞臺就喺中間，背面有個奧地利造嘅管風琴，係世界上最大嘅管風琴之一嚟嘎，犀利啊~~一樓嘅觀衆席係半月形嘅，二樓就係環形嘅...我呢，就坐喺一樓，可以側側地望到力宏甘啦~`哈哈...坐落無耐，摞相機影咗幾張相，就有工作人員行過嚟話唔可以影相同閃光..哈哈..收斂咗一下，周圍嘅人又開始影翻了（無計，企喺上面嘅係力宏，點控制唔影啊）..結果，工作人員后尾只能改口“影相可以，不過唔好閃光啊唔該！！”哈哈...

力宏著住西裝打曬呔甘出場嘎（雖然唔係踢死兔，不過据聞係轉爲呢幾日嘅表演落重本準備嘅名牌嚟嘎，可想而知距幾重視個表演..哈），梗係型啦，跟住企上去指揮嗰位，除咗件西裝，挽起恤衫只袖，摞起支指揮棒~~SHOW TIME！！

之前我以爲成個show力宏都係做指揮嘎，點知距指揮完第一首曲之後，就介紹咗另一個指揮出嚟...然後...距就...行咗去支咪度...呵呵...原來個show距唱歌嘎~~~哇~~真係無走寳囉~~正！！

力宏第一只唱嘅歌係《蓋世英雄》..哈哈..其實我一直都好中意呢只歌嘅旋律嘎..覺得好夠氣勢..現場聼更正！！之前現場聼到嘅版本都係由樂隊演奏嘅，今次係由成個樂團演奏嘎，氣勢梗係唔小嘢啦~~哈哈哈...最搞笑嘅係，因爲喺交響樂團演出嘅呢啲比較正式嘅場合，大家都比較安靜，都唔多敢跟住力宏唱，所以力宏就同我地睇話，大家唔使驚，放膽唱，雖然係同交響樂團合作，不過一樣可以好似演唱會甘放開聲跟住距唱嘎，距都想大家可以甘樣...哈哈~~距一講完，大家梗係即刻跟住唱啦~~

跟住力宏陸續唱咗《一首簡單的歌》、《龍的傳人》、《last night》、《放開你的心》、《落葉歸根》、《everything》、《forever love》、《kiss goodbye》...仲有只係意大利文歌，係距中意嘅戯嘅主題曲，呢只歌距係用好聲樂嘅方式唱嘅，唔多機會聼道嘎..哈..（呵呵...我都唔知仲有無記漏歌？！哈哈..好似無挂^0^）...只《放開你的心》其實都幾現代舞曲感覺嘎嘛，但係同古典交響樂團合作起身，哇，真係你諗唔到甘正啊！！除咗合作嘅效果好好，距唱《放開你的心》嗰陣仲唱到周圍跳，兼俾咗個大驚喜全場....距唱唱下突然除咗自己著住嘅靴，沿住一條預先擺好嘅樓梯跑上樓（條樓梯我一入場就見到嘎啦，以爲係固定設計，點知原來係甘用嘅，哈哈...）...開頭我仲以爲距上去同上面嘅觀衆握手，點知距跑過啲觀衆，跑咗上部管風琴度彈喔...哈哈...真係估距唔到，夠曬驚喜啊（呢個表演嘅效果由坐我前面嘅男仔不停大叫“王力宏”嘅反應就知有幾正啦！哈哈...）！！

除咗彈管風琴，力宏仲彈咗吉他同拉埋小提琴，就差無彈鋼琴咋（今日睇翻啲新聞報道，話尾場有自彈自唱《唯一》啊，哇，真係想殺死人咩..哈哈），真係同平時嘅演唱會差唔多嘎！！所以睇到差唔多尾聲嗰陣，大家都可能唔記得自己睇緊音樂會，仲以爲睇緊演唱會，力宏話《kiss goodbye》係最後一首歌嘎啦，場完仲走埋添，大家就不停甘拍掌，大叫Encore...哈哈，又叫到距出嚟喔，不過就係出翻嚟做指揮....過一陣又走了，大家又繼續拍掌叫Encore...呵呵，都仲係叫到距出嚟喔，唱埋只聖誕歌應下節再同成個樂團一起走，先真係結束咋....大家走嗰陣都好唔捨得嘎，我聼住坐后面班女仔話“暈啊...暈啊...”哈哈...

無論你之前中唔中意距，只要你睇過距嘅現場表演，我覺得都好難唔欣賞距囉...哈哈...今日睇翻新聞報道，話距係流行樂手跨足古典音樂界做指揮第一人（呵呵，距本身好似係由古典跨足流行先嘎啵，宜家甘樣都係做翻本行遮..哈哈），威啊！！！

好中意呢份聖誕禮物啊，期待下個月份“新年禮物”...哈哈哈！！^_^