樹仔陪住我應該差唔多有兩年了。

一開始買距翻嚟，完全係貪得意，諗住擺棵綠色植物喺檯面可以養下眼，根本無諗過距之後會點。啱開始照顧距，根本唔知距中意啲乜，中意飲水啊，定中意曬太陽。距細細個嗰陣就試過啲葉仔干曬，好似就快唔得甘，嚇死我啊！！好在嗰陣有個同事已經養咗一棵好耐了，有啲經驗，話我知距好中意飲水，跟住我又聼咗另一個同事嘅意見，俾咗茶葉距食，慢慢，距就無事了。

之後，距就越嚟越高，葉仔都生得越嚟越多，越嚟越綠，仲要由細盆換大盆添！！望住樹仔慢慢大個仔，我真係好開心嘎！！樹仔叫“幸福樹”，我成日都同人講，樹仔係我嘅幸福嚟嘎，哈哈！！

我以爲樹仔會一路高落去。我仲曾經擔心樹仔再高點算，距可以放去邊，去邊穩搵個再大嘅盆俾距。但係，由八樓搬去五樓無耐，樹仔就無再高過，啲葉仔亦都越落越少，越嚟越黃。我唔知距發生咩事，上網查過，但都係搵唔到根本嘅原因（不過或者其實可能係我睇唔明遮）。我惟有用曬我諗到嘅辦法，買噴噴翻嚟喂距飲水，希望啲葉仔都飲到；差唔多日日都搵茶葉水俾距飲；再時不時喂肥料俾距。就係甘，葉仔一路挨咗落嚟，不過，距已經由原來3棵，變到得翻1棵可以跟到我翻屋企。

啱翻到我屋企嗰陣，我其實好擔心距適應唔到。因爲距由細到大都喺我公司嗰個恆溫環境入面生活，無感受過咩溫差。不過樹仔似乎適應力都幾唔錯，翻到我屋企反而少咗落葉。我真係好開心，以爲距真係可以喺我屋企安居樂業！！

點知，就喺我去完旅行翻到屋企一開門，我就見到樹仔成棵干曬甘…

雖然呢幾日我都不停喂距飲水，俾埋大大片嘅茶葉距食，但係，距個頭仔一直都無再擡起過…媽咪一直叫我搬距上天棚，但我就一直都無行動。終于，媽咪頭先自己帶咗距上天棚…

希望天棚啱樹仔，有一日距可以翻落嚟陪我……

今日係3月嘅第一个working day，亦都係我release之後嘅第一個working day…

之前個周末兩日都有嘢做，所以無乜感覺…

而今日，哈哈，我訓到12點幾先起身，都無咩時間留翻俾我無聊囉~~

今晚終于註冊咗開心網…哈哈…真係好多人喺度玩緊，一晚就穩翻20幾個同學，哈哈！！

聼日，依然係人地嘅working day，我嘅holiday…

希望holiday唔好甘長啦…努力搵工做運動啊！！！加油！！！