继之前“出来滚”之后，我地又出发去试其它野了今次我地要试既系意大利菜，仲要注明系“美式”意大利菜...哈哈...好似话老细系美国人我本身就好钟意食芝士，所以一向都钟意意大利菜，因为好多菜式都可以食到香喷喷兼软绵绵既芝士！！！哈哈...正！！

     间铺系维家思广场四楼，唔系好就脚，不过系公司去都仲ok既！入到铺头，唔算特别大间，但系D餐台间隔就几开吓，每张台既独立空间都算几大，同好多餐厅有D唔同！特别系我地坐既果张六人台，真系好大张吓，其他地方真几少有！！再望吓周围，都几多系外国人，感觉口味应该会几正中！！

     望左周围甘耐，终于要点野食啦，哈哈...因为Pinky之前食过，所以当然要听吓距既介绍啦！！用左唔算太长时间啦，我地就点好左“一堆”野食了，呵呵，好期待啊...

     一落完单无耐，餐厅就送左距地呢度既招牌面包上黎了，一人一份唔使挣！D面包有D似系面包圈，全部都已经一分为二好，方便我地夹距呢度既自制牛油食！！D面包仲系热嘎，好烟韧，加埋D好似雪糕甘既牛油，好好味啊！！对于超中意食面包既我黎讲，斋食呢D面包就已经好开心啰！！呵呵......

     食完面包无耐，第一个菜就送上黎了——大虾西兰花天使面！呵呵...碟头唔算太大，但系料都几足吓！除左有大虾同埋西兰花之外，仲有D应该系腌制过既橄榄丝，咸咸地甘有D香味，都几得意嘎！！天使面其实好似话系比较细既意大利粉喔，食落口烟烟韧韧甘，加埋D唔系好咸既汁，好好食.....！！！重要系用橄榄油煮既，健康啦！！呵呵

     紧接住个天使面，我地点既其他菜都陆陆续续送上黎了，有意大利风味Pizza啦，薯蓉汤啦，辣鸡翼啦，鸡扒肉酱通粉啦，仲有牛肉千层面添，哈哈，真系有D食唔切既感觉啊！！！

     个薯蓉汤几好味嘎，有好浓既薯仔味，又唔会好稀，又无忌廉汤甘腻，正！！不过其他菜就唔算太特别，个Pizza饼底太硬，有D干，不过个卖相就几靓，五颜六色甘；鸡翼D辣味都几特别，但系除左辣味就好似无咩特别了；个牛肉千层面D味道就几好，但系我唔多钟意D面唔够烟韧，同埋芝士味唔够重，相比之下我都系钟意“三人行”既千层面而个通粉应该算系最无特色一个了，OK甘啰！！

     呵呵...一轮“混战”之后，我地终于消灭晒所有既食物啦，好满足啊......哈哈...不过又系时候林吓下次试D咩啰...

 

 

呵呵~~~~真系好耐无摆过相上黎啦！之前一直装唔到上传相个工具，今日发现原来系我个防火墙既问题！！

 

甘耐无摆相，其实都已经有几多存货啰！因为终于有左自己部相机，所以罗起手觉得得意就影，依家凑埋凑埋都唔少相嘎啦！！哈哈...

 

但系又因为真系几多相吓，所以都唔知放咩上黎好！不过呢排去玩突然中意左影一样野——哈哈，咩野？就系我地日日都会行过路过既——路！！

 

其实D路真系几得意架！！去到唔同既地方会见到唔同既路，材料唔同，排列唔同，颜色唔同，周围D野都可以好唔同......真系好多时都可以好有新鲜感嘎有时唔觉唔觉可能仲会有惊喜添啵~~~呵呵

 

所以隔左甘耐无摆相，今日就摆D上黎玩吓先呵呵~~唔知会唔会有人觉得D路几熟面口呢？？

琴日其实都真几热架，但系我地一班“滚友”都系抵受唔住诱惑去左“滚”！！哈哈…去边滚？米“出来滚”啰！！！呵呵~~~~

琴晚一收工，我地就嗱嗱林甘赶去目的地——出来滚！一到门口，就见到一大班人围晒系度打牌，哈哈，其实系等位！！据订位既pinky讲，呢度准时下昼三点半先开始订当晚既位，早左无人理你，迟左无位俾你！！打唔到电话订位，就唯有等位噶啦！！！

间铺头其实唔系好大咋，有两层，过道既一边墙上面全部都系画，好多都系John Lennon D相，唔通老细系披头四既fans？？哈哈…无望清系墙纸定系画上去既，不过风格就好西化，网上话好爵士feel喔，呵呵，都岩

我地迟去既三条友（唔系我地迟到，系黑仔要加班姐）一上到二楼，就见到早到班“滚友”系度“虎视眈眈”呢度煲招牌菜——海鲜乳猪火锅啦（不过距地都好辛苦嘎啦，望住煲野甘耐都无食系到等我地！！）哈哈……等左甘耐，梗系唔好再等啦！所以我地一坐落，大家都迫不及待甘罗起筷子啰…….琴晚点既系泰式汤底，酸酸地，辣辣地甘，好好味啊~~~~~~仲有D酸辣酱同D辣椒豉油，都好好味啊~~~~~~咦？点解都系配角既？甘D主角呢？呵呵…梗系唔差啦！特别系D乳猪啊！！第一次甘样食乳猪咋，不过真系好味啊！！原来乳猪唔系净系脆皮先好食架！！仲有就系煲底D菌啊,索晒D汁，我钟意啊~~~哈哈！！其他仲有青口啊、花甲啊、虾啊、手打墨鱼丸啊都OK啦！！虽然唔算太特别，不过胜在食得开心！！一班人抢野食真系特别好味架！！

食完煲大野，我地仲点左个奶香黑米糕同埋红豆冰！！讲起个黑米糕就搞笑。我地琴晚一共七个人，但系份菜单就写住一份得六件喔，甘我地米唔够分？呵呵……于是我地系甘同果度个waiter讲叫距帮我地“争取”多一件，结果真系得左喔，连个waiter自己都好开心甘同我地“yeah”啊！！哈哈！！！……一人一块，好快就搞掂左碟黑米糕！跟住就到红豆冰啰；）个红豆冰系食够100蚊用POCO卡送既！都几大个嘎，哈哈，不过一摆上台我地个个就企晒起身如狼似虎甘“抢”……哈哈……真系咩仪态都无啊！！不过食得开心就得啦，使咩要仪态喔！！呵呵……

就系甘，我地好开心甘“滚”左一晚！！！呢度好似仲有其他招牌菜嘎，下次再黎“滚”过先得！！！咔咔咔咔……

今晚好难得甘同一个久违左既朋友食饭，呵呵，都几开心同朋友倾左一晚，听到好多以前唔知到既野！！虽然朋友话唔好受距既影响，但系听左既野好难真系一下子就完全洗脑唔记得啰！所以一路搭车翻屋企，其实都系度林！林咩？无既，米就系前面会系点啰！！以前读书果阵成日都会听到一句话：学海无涯苦作舟！呵呵...以前听呢句话其实无咩太大感觉，因为只要一考完试，我就觉得已经“到岸”了！！但系睇翻依家，我真系唔知“岸”系边！！

今晚好巧，我两个朋友都系度关心我既“人生大事”喔……哈哈，其实最近身边都几多朋友问起我呢样野讲真，知道有甘多朋友关心自己，我真系几开心架，起码等我知道自己唔系透明既但系另一方面，我知道，周围既压力应该会越黎越大，特别系屋企人。朋友过黎关心几句，其实都仲OK，大家仲可以一起讨论呢个话题。不过如果系屋企人讲起，我就真系唔知点接招了。就好似知道师姐结左婚，其实我好开心架，不知几想话俾屋企人知一齐开心吓。但系呢类型既话题唔知从几时开始，已经变左我屋企既“禁忌”话题。因为只要我一提起，我就会被人围住黎追问，而我最“叻”既回答就系“得啦，我知嘎啦！”除左甘，我真系唔知点答。唉……真系搞到我平时讲野都要吓吓刹住制，过滤吓咩可以讲，咩唔好讲：（其实对我黎讲，真系无论“独角戏”定系“双人舞”，最紧要就系开心。我成日都话，“一个人过唔等于唔开心，两个人过亦都唔等于开心”。“结婚”呢样野，我好耐之前就觉得距唔系“必需品”。但系我林如果我真系甘样同屋企人讲，实会六国大封相。

……以后会点？我唔知！我净系知道，呢个世界之所以好玩，就系因为我唔知道听日会发生咩事！！ —— 要黎既野自己会黎，唔黎既野格硬黎都无用！！不过无论点，都好多谢关心我既人……真系要大大声讲翻句：“多谢晒啊！！！”

今晚同朋友去左解北果边既一间日本料理食饭，感觉唔错

 

果间野系我唔知几时系网度睇到既。当时果篇文章话其实日本菜唔系净系得贵价既寿司同埋鱼生架，仲系普通既平民菜架。系日本，当地人其实会更中意选择系收工之后去一d小餐馆大排挡之类既地方，三五知己，食吓野，摸吓酒杯底，倾两句架。果d地方就叫做“居酒屋”啦。

 

而我地今晚去既地方，据讲就系系广州一间比较地道既居酒屋。

 

果间铺其实同好多其他日本料理比，真系几唔起眼架！门口细细，挂住几个红灯笼。推开道门，入到里面，就更加系铺仔细细啰，普通餐台有3张，再黎4张放系榻榻米上面。装修都好普通，而且有dd乱乱地既感觉。虽然系甘，但系我反而觉得，如果系熟客，甘既气氛应该会几亲切。

 

坐落睇餐牌，全部都系中日对照架，品种都几多啦我觉得，价钱又真系唔多贵啵，大部分都系十几二十，几ok架。最后我地一共点左4个菜，海鲜烧饼，八宝菜，烟肉露笋卷，牛肉火锅，都系侍应推荐既。讲开侍应，真系同网上讲既一样，有日本人架。个日本妹妹讲既中文都几流利架！呵呵...而果度既客人，亦都真系好似网上讲既甘，有不少日本人，而且应该都系常客，因为有系果度寄存烧酒，同埋同d侍应都几熟络！

 

讲翻吓d食物先。果4样侍应推荐既菜我都觉得几唔错架！材料同份量都几足！味道仲真系几唔同平时食开既日本料理架——最起码我系甘觉得，虽然我未去过日本食过——有地道既味道！！呵呵...

 

讲真，虽然系第一次去呢间铺仔，不过我真系几中意。我会觉得坐系入面，食住虽然普通，但系地道既食物，听住周围既人用我听唔明既日文系度倾计，感觉真系好得意，好似唔系系广州甘......